【使徒行者】24歲姜珮瑶出道3年踢走佘詩曼 合作對手全部係影帝

撰文:
最後更新日期:

出道3年,姜珮瑶拍親都係大製作,對於唔係金城武、古天樂就係彭于晏。

《使徒行者》電影版第一集由張家輝、古天樂、吳鎮宇、佘詩曼及許紹雄領銜主演,雖然吳鎮宇於上集已經身亡,但探班活動上亦有其蹤影,反觀身為《使徙》鐵腳之一嘅佘詩曼,就因為要拍攝內地新劇而無緣參與今次演出,令女主角落喺內地演員姜珮瑶身上。

由於佘詩曼要賺人仔,所以參與唔到《使徒行者2》,姜珮瑶坐穩女主角位置。(視覺中國)

呢位畢業於北京電影學院嘅90後,曾被保送為學院嘅專業碩士研究生,並同時獲得獎學金,絕對係高材生。姜珮瑶出道雖然只係4年多,但已先後兩次有份喺馮小剛執導嘅作品演出,去年由麥浚龍執導嘅《風林火山》,演員除有梁家輝、金城武、劉青雲以及古天樂等份量級人馬之外,姜珮瑶亦在名單之內,同完一眾影帝交手之後,姜珮瑶去年其實亦有同唔少人嘅「老公」彭于晏於電影《熱帶往事》合作,而同戲仲有張艾嘉,單係以上嘅合作單位,相個已令唔少人羨慕。雖然香港觀眾對姜珮瑶可能較為陌生,但其實佢嘅經理人公司嘉映影業於內地實力雄厚,《黃金年代》、《親愛的》、《七月與安生》均有份投資,當然《使徙行者》亦係其中之一。
 

出道第2年,姜珮瑶於2017年已經有3戲1網劇在手,喺《英雄本色2018》中,同王大陸飾演情誼。(視覺中國)

姜珮瑶去年同樣以拍電影為主,除《風林火山》外,仲有同彭于晏嘅《熱帶往事》以及《使徙行者2》(視覺中國)

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。