郭羨妮入圍亞洲電視大獎視后:信心一定要有!

撰文:
最後更新日期:

郭羨妮(Sonija)今日(10日)出席環保活動分享自己的環保心得:「去街食飯食剩打包咪有啲膠盒嘅,我就唔會扔啲膠盒,會循環再用洗乾淨再用來裝嘢,用完啲玻璃樽,由好耐之前已經習慣再用嚟裝啲海味、乾貨之類,紙方面亦會用晒兩面,小朋友之前啲功課,後面都會再用嚟寫筆記。」

郭羨妮平日亦會教囡囡養成環保的習慣。(賴家杰攝)

談到由郭羨妮主演、正在上映的電影《朝花夕拾 芳華絕代》(簡稱《拾芳》)口碑不俗,Sonija則表示:「希望多啲人去支持呢套本地嘅作品,真係一群有心有力有火嘅人,去將梅艷芳小姐嘅好帶出嚟俾大家睇,希望多啲人會入場睇。」

郭羨妮呼籲大家多入場支持由梅姐故事改編的電影《拾芳》。(賴家杰攝)

郭羨妮憑港台劇集《獅子山下2017》單元劇《秘密》,入圍亞洲電視大獎最佳女主角,Sonija就話:「信心一定要有!其實可以入圍呢個獎項,自己已經當贏咗。收到呢個消息嘅時候已經好開心,因為呢個唔止係一個(電視)台咁簡單,係全個亞洲嘅國家去比賽,咁有得入圍咪已經好犀利囉,所以已經當贏咗。」
 



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。