麥明詩玩命式踩單車去柬埔寨 戰友潘梓鋒超佩服:要佢照顧我

撰文:
最後更新日期:

不少人都想夢想騎着單車來一趟說走就走的旅行,既青春又熱血。但畢竟「單車旅行」需要一定的時間、體力和裝備,一想到如此麻煩,就會出現放棄的念頭。而10A港姐麥明詩(Louisa)除了敢怒敢言,原來她亦勇於挑戰自己。她將會與《東張西望》大隻主持潘梓鋒一同接受跨國踩單車挑戰,拍攝一個由TVB攝製與慈善單車隊合辦為期28日途經中國、越南、老撾、泰國及柬埔寨五個國家的跨國單車之旅節目──《單車遊學團(暫名)》!」

潘梓鋒更稱訓練當日只有Louisa順行上到大帽山山頂!

估唔到大隻主持都唔夠Louisa嚟!

潘梓鋒接受《香港01》訪問時透露一行人出發前,除了要到大帽山練車,更要打足4支防疫針兼全程要聽醫生指示食藥。潘梓鋒雖然自小跟爸爸學習武術,擁有超強運動細胞,但他坦言這是一次嚴峻的挑戰:「平時我都係由沙田踩去大埔,所以今次踩足廿幾日都驚驚地。而我最大的弱點就係上鈄路同耐力,因為個身重,要減10至12磅。但好彩今次大多數都係平路。」

潘梓鋒目前減了8磅!

不敢鬆懈的Louisa月前已經不斷練習,在教練胡健燊指導下,單車技術亦都越來越好。潘梓鋒亦透露Louisa相當「堅」:「佢真係操得好好,狀態好fit。今次旅程好靠意志力,而佢呢方面真係好強,經過練習我完全明佢10A係點考返嚟,搞到我有啲壓力有啲驚。(你差過佢?)差過佢呀,雖然男仔好應該要照顧返女仔,但我諗今次佢要好好照顧返我轉頭!」

Louisa會唔會順行完成呢?(IG圖片)

雖然Louisa與潘梓鋒等一行九人將於明天(11日)出發,但Louisa仍會為今晚的《#後生仔傾吓偈》首次直播開工,並未爭取時間休息!據知這次旅程他們全程以單車代步,沿途橫跨五個國家,一共2500公里,即至少日踩89公里,大約來回中環至柴灣(13.4公里)7次!他們亦會探訪當地兒童及進行交流活動,盡能力幫他們改善生活!《單車遊學團(暫名)》意義十足,希望他們一切順利!

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。