曾淑雅2019變身普拉提教練 無懼老化全因自備養生秘訣

撰文:
最後更新日期:

曾淑雅 (Jumbo) 今日(13日)出席宣傳活動時談及自己近況,本來就熱愛運動的她現今已經成為了一名合資格的普拉提(Pilates)導師:「最近自己比以前更加專注運動方面嘅發展,仲走去考咗Pilates嘅教練牌,嚟緊打算開班授課,向大眾分享健身心得,尤其是年輕人,我覺得依家嘅年輕人唔太注重自己身體嘅健康,我好希望可以透過運動話比佢哋知身體健康嘅重要性。」

今年28歲的Jumbo對年齡的話題直言不諱,即使年近30的她因為堅持鍛煉身體,外表依然甜美可人。(葉志明攝)

談及身體狀況,Jumbo對自己年齡漸長直言不諱,更笑言自己已經要開始養生,席間她大方分享自己的養生秘訣:「其實隨住年紀越來越大,我自己都開始學習養生,首先第一件事就係要戒凍飲,又會去浸浴同焗桑拿。」不過,想要青春常駐,真正的秘訣還是在於堅持不懈的運動:「我依家一星期會keep住三日運動,可能一日練Pilates,一日會做下Weight training訓練下肌肉,再搵一日行下山,咁就成身都訓練到啦!」

踏入2019年1月,Jumbo 希望今年自己會有一班學生跟隨她學習Pilates,與她一起傳遞健康訊息予年輕人。(葉志明攝)

踏入2019年1月,Jumbo 對自己又有何期望?她表示:「我今年重心都係放喺運動方面,最希望梗係有一班自己嘅學生啦,同埋可以傳遞到健康嘅訊息比年輕人。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。