【你咪理,我愛你】方力申王菀之再演情侶耗盡體力:成身濕晒

撰文:
最後更新日期:

王祖藍處男執導嘅賀歲片《你咪理,我愛你!》,改編自百老匯膾炙人口嘅音樂劇《I Love You, You’re Perfect, Now Change!》,由於電話由12個單元串連而成,所以祖藍碌盡人情卡,搵水嚟鄭秀文、容祖兒、白只、吳業坤、鄭愷等60多位好友客串。

王菀之同方力申於戲中睇嘅文藝大悲劇,係由鄭愷客串演出。

已經有一段時間未有推出音樂作品嘅方力申,於戲中同相約王菀之睇戲,但好揀唔揀,竟然係去睇文藝大悲劇,本以為會悶到瞓著嘅方力申,結果被王菀之感染爆喊,並不停中叫「瀨嘢」,而王菀之為打造肉緊效果,亦賣力交戲,咬唇咬到連導演及所有工作人員「睇一次笑一次」。
 

《你咪理,我愛你!》有唔少對白都用唱嘅型式呈現,對方力申來說雖然唔係難,但面對王菀之,佢話好有壓力。

事後二人笑言是次唱歌比平時更為虛耗體力,小方更自爆唱到成身濕晒:「因為我嘅對手係王菀之,我梗係好大壓力啦,佢出名唱得架嘛。加上祖藍喺DEMO入面都唱得好出色,為咗唔好令佢哋失望,我真係出盡全力去唱,結果就唱到成身汗濕晒喇。」至於菀之則大讚方力申唱歌劇十分出色,令她眼前一亮:「我直頭覺得戲入面呢隻歌,可以成為我哋之後走埠登台嘅情侶檔合唱歌,小方真係唱得好好好好呀。」

王菀之於戲中不停大放笑彈。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。