【救妻同學會】劉佩玥話網民負能量太多:香港人好挑剔

撰文:
最後更新日期:

劉佩玥絶對是痳甩系女生,講嘢好笑過男仔。

如果你覺得麥明詩、馮盈盈敢言,好貼地,那你更加要認識劉佩玥,詞鋒銳利,思路清晰,記者做專訪,最重要受訪者有金句,劉佩玥不會令你失望,但她不是為了你而說出來,而是她真的有這樣想法,這世代網民就是一切,一人一句留言可以令你死無全屍,劉佩玥沒有怕,更認為做自己是港姐應有的態度,她說:「我唔想因為我係港姐出身,所以要扮到好端莊,賢淑,我講嘢就係直腸直肚。」

劉佩玥在《幕後玩家》飾演最強小三,表現相當突出,令人眼前一亮。

劉佩玥是一個有娛樂性的表演者,還記得有一年的港姐拉票在尖沙咀商場舉行,同場的有蔡思貝、陳凱琳等,活動上大家照稿讀那些悶出了鳥來的台詞,說參加港姐要什麼智慧、美貎等.....唯獨劉佩玥一開口就令人精神:「做港姐最緊要係吸睛.....」,此語一出令在場人仕都開懷地笑了,沒有人覺得她冒犯,她亦記得這件事「娛樂人係我嘅職責,我希望自己嘅率直、攪笑感染到其他人,宣傳嗰啲台詞已經講了萬七次,咁點解要重複呢?唔可以諗新嘢?我係《大內密探零零發》想玩新嘢。」

《救妻同學會》雖然收視口碑未似預期,但正符合劉佩玥所講試新嘢。

讀書時期劉佩玥試過寫劇本再當導演,上年亦寫了本三萬字的圖文集,三萬字不是少數目,不愛文字的人寫不到,劉佩玥自小就很有想法,她想帶給人歡樂,但她覺得有些香港人想法太負面:「香港人啲心態有時好悶
他們好鍾意雞蛋裏挑骨頭、好挑剔,諗嘢好負面,佢哋諗到嗰個人救一隻狗,會諗到人哋set up哂所有嘢先救呢隻狗,佢救隻狗係為咗點擊率,其實而家好多人係咁諗,但點解要咁諗呢?」

劉佩玥將和胡鴻鈞拍《降魔的2.o》,絕對令人期待。

在無綫生存聽話是最好的,劉佩玥是力捧小花,其實只要安份守己跟高層指示,保証平步青雲,但她很想改變,那怕只是一點,甚至一點也沒有,「我覺得呢行要薪火相傳嘅,而家媒體好多,我自己都會睇歐美劇,韓劇,但唔代表我哋香港電視劇要喺人哋之後....唔係全部都係製作人問題,觀眾肯唔肯買飛入場?去令呢個圈子攪返起?呢個係香港人嘅責任,香港人仲有冇個心支持香港電影同電視呢?成日話香港嘅故仔好廢嘅人,你又有冇諗到一個好正嘅故事俾到人呢?你去釋放啲負能量嘅時候,又有冇產生一啲貢獻呢?」真話有時難聽一點,你可以說劉佩玥未想得透徹,但你要欣賞一個敢表達自己想法的藝人,尤其這個網絡時代。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。