被指「造獎論」暗嘲菊梓喬未夠班 吳若希︰如有得罪純屬你小器

撰文:
最後更新日期:

TVB《勁歌金曲頒獎禮2018》已經圓滿落幕,所有獎項都已經塵埃落定,但是非就仲未有停嘅跡象。當晚菊梓喬(Hana)首奪「最受歡迎女歌星」,更係繼容祖兒後第二位80後奪得呢個獎項。不過當晚坐喺Hana隔離嘅同門師姐吳若希,反而成為網友焦點,由宣佈得獎瘋狂大笑13秒,到頒獎禮後訪問中講嘅「造獎論」都被放大討論,呢日佢本人就親自回應啦。

Hana得到「最受歡迎女歌星」,身邊嘅Jinny好似比佢更開心。(影片截圖)

勁歌當晚星夢歌手幾乎人人有獎,Hana更成為大贏家。同門師姐吳若希一直被指同Hana不和,爭公司一姐之位。頒獎禮後吳若希被問到菊梓喬奪得大獎有咩睇法,講咗句:「造俾佢都應該,係自己公司人。」被外界解讀為不屑造馬賽果。呢日吳若希就喺Facebook留言話:「所有嘢,我都係特登諗過先講既,亦都唔覺得得罪人。如有得罪,純屬你小器﹗我會繼續講我覺得應該講既嘢,多謝!」到底佢話邊位小氣呢?睇嚟下次現身做訪問又要解畫啦。

到底,講緊邊個小氣呢……(Facebook截圖)

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。