【開心速遞】大小姐曬生命中四個最重要男人 送水輝冧爆回應
撰文：張嘉敏
出版：更新：
大小姐同送水輝呢對CP大受歡迎。
無綫處境劇《愛．回家之開心速遞》向來深受一眾劇迷同網民的歡迎，早前於今年元旦日播出的一集收視更有30.5點，令全劇組上下都非常之開心。而林淑敏憑住劇中飾演大小姐一角人氣急升，還於《萬千星輝頒獎禮2018》奪得了最佳女配角一獎。她與許家傑飾演的送水輝呢一對CP，亦是TVB近年最受觀眾喜愛的熒幕情侶之一，兩人亦不時獲邀以熒幕情侶姿態出席活動搵真銀。
網民都希望送水輝同大小姐可以有情人終成眷屬。
呢日林淑敏就於她的IG post了一張相表白心迹，相中有於劇中飾演大小姐爸爸龍敢威的羅樂林、飾演細佬Terry的李偉健、飾演舅父KC的歐瑞偉，以及許家傑，四個男人排排坐合照，林淑敏就留言表示：「四個我最重要嘅男人 #龍力王 #吳家聰 #龍敢威 #送水輝」粉絲同網民都粉粉留言畀Like，而許家傑也送水輝上身來回應大小姐說：「終有一日 我會叫terry 做細佬」好冧呀！唔通是預告他和大小姐的戀情可以開花結果？
佢哋就係大小姐生命中4個最重要嘅男人。
送水輝冧爆回應大小姐。
一齊睇下大小姐同送水輝嘅其他靚相啦！
+7