【大帥哥】「天嬌」一角人氣爆燈 譚凱琪有著數攞：買餸唔收零頭
撰文：吳子生
出版：更新：
譚凱琪（Zoie)張兆輝、黃翠如、黃庭鋒周二（15/1）出席在將軍澳舉行的商場賀年揭幕活動。新年就快到，每逢年三十晚Zoie必定成班朋友，傾巢而出行年宵掃平貨：「我自己好鐘意買花，又會買啲公仔送畀啲姨生女，同時又可以同啲朋友一齊講吓價，又可以熱鬧吓。」會唔會買桃花旺吓自己？「我有一年買過，但係原來要處理呢個桃花都好講究，又話唔好畀人掂呀，聽落好似好多顧忌，買完一年之後就冇再買啦。」
Zoie希望在演戲方面，一套比一套有進。（黃國立攝）
譚凱琪憑電視劇集《大帥哥》「天嬌」一角人氣急升，連出街買餸都有優待。Zoie開心說：「有時候去街市買餸，佢都都認得我，叫我天嬌，仲話零頭唔收我，感覺份外親切，好多謝天嬌呢個角色。」爹哋媽咪對你有咩評價？「爹哋從來都冇讚過，佢只會話：『ok啦』，佢覺得演戲係需要浸淫，都係覺得我仲係學習階段，但佢覺得我今集比以往係進步，所以覺得可以同自己有所交代。」
Zoie在劇中精湛演出，獲網民大讚「天嬌」一角，演得入型入格。（黃國立攝）
+3