【新春開運王】家燕姐唔諗再婚:閃婚唔到我喇

撰文:
最後更新日期:

薛家燕今日(16日)與湯洛雯和王浩信等藝員出席無綫電視賀年節目《新春開運王》錄影。她透露節目組邀請了三位堪輿學家,和每集有不同的嘉賓藝人,去為大家解構來年的風水命理運程等等。她說:「我覺得幾有趣,大家都會了解下,有時人夾人緣,有啲生肖會特別夾,不妨去聽下,因為人與人之間相處最要互相了解。同埋有啲野、有啲方位會引致唔好嘅野發生,咪可以避開佢。」

家燕姐表示也會做足傳統集俗。(陳順禎攝)

那家燕姐有否向師傅們請教一下如何去趨吉避凶呢?家燕姐笑言:「有嘅!緊係要問啦!正如靚湯(湯洛雯)講﹐依家問唔洗畀錢啊嘛!三位師傅都有提點我地嘅,今年我都會大展拳腳,開多幾間分校。今年都會驛馬星動,嚟緊我都將會喺各地有巡迴演唱會,亦都係應驗咗嘅。」不過家燕姐也補充,即使她今年行好運,前提也是要自己去努力,不可以只等運到。

家燕姐說自己的觀眾由三歲到九十一歲都有﹐她表示很高興。(陳順禎攝)

家燕姐一直與男友感情穩定,被問到有否請師傅指點一下姻緣運,又有沒有可能「閃婚」?她表示:「我唔會問啦,閃婚又唔到我喇,不過頭先講開笑話依家好多人有咗bb先結婚,咁我又點會有bb呢!(所以)就唔會閃婚啦!等我仔同我新抱有bb,咁我就抱返個孫啫。緣份嘅嘢好難講嘅,我就唔會諗住再結婚喇,如果有個人傾得埋嘅,又錫你嘅,又對你事事都關心嘅,咁都已經係好開心嘅事喇。」

家燕姐說觀眾緣也是桃花運的一種﹐而自己一直也對此很感恩。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。