【#MeToo】何猷君前女友BY2 Yumi遭上下其手:差點是強姦的程度﹗

撰文:洪曉璇
出版:更新:

席捲全球嘅「#MeToo」運動,令唔少曾被性騷擾甚至性侵嘅女士不再啞忍,站出來指証。新加坡雙胞胎女子團體BY2成員,曾經同賭王何鴻燊四房兒子何猷君拍拖嘅Yumi白煒玲,自爆去按摩時遇到色狼性騷擾,呢日終於到警署報案,爆出案情「差點是強姦的程度﹗」令人嘩然。

By2中嘅妹妹Yumi身材火辣樣貌甜美,曾經同賭王何鴻燊四房兒子何猷君拍拖。(IG圖片)

Yumi接受新加坡媒體《聯合早報》訪問時,首度提及呢件猥褻事件,佢喺去年12月,去到位於北京一間經常光顧嘅按摩店,當時所有女按摩師都未有空檔,有位男按摩師自薦,Yumi因為太攰就照表示答應。點知入房後男按摩師手法越來越奇怪,演變成對佢上下其手。但Yumi選擇離開後先將過程細節同朋友講,令朋友直呼:「差點是強姦的程度」Yumi無奈表示做精油按摩全身赤裸,無法飛踢,二來對方係男性,自己一個女仔怕難以對付所以唔敢反抗,仲話:「若果佢將門上鎖點算?」

微博流傳出Yumi嘅報案紙,內容提到「已受理2018年12月22日的猥褻案」。(微博圖片)

事發後兩日Yumi都無法入睡,最終喺經理人及姐姐陪同下報案,公安馬上到事發地點遞捕涉案男按摩師。Yumi則心有餘悸,坦言此呢次事件令她有陰霾,之後按摩都唔敢再搵男按摩師,接受訪問公開事年,係希望有類似遭遇嘅女性朋友們千萬唔好忍氣吞聲﹗

Yumi喺在姐姐及經理人陪同下到公安局作筆錄:「公安當天去抓人,還上手銬,很可怕。」(微博圖片)
+10