張衛健做孝順仔陪媽咪玩波子棋展現鐵漢柔情一面:陪伴是最重要的

撰文:張嘉敏
出版:更新:
Dicky因為《大帥哥》而人氣再度爆升。

張衞健 (Dicky) 早前憑住無綫劇集《大帥哥》而人氣再度爆升,劇中他的角色有情有義深受觀眾同網民喜愛,大家都好唔捨得呢套劇的完結,亦都好期待會有續集,又或是希望Dicky會再繼續為TVB拍劇。而現實生活中的Dicky同樣是一個好重情義的人,對家人更是非常愛護,除了疼錫老婆張茜之外,都好愛錫他的媽咪,和媽咪感情好close,是圈中出名的孝順仔。

Dicky呢日就於他的微博post兩張新相,並留言表示:「陪我媽下棋,十局有十局都是我輸的,因為她老人家的步法是亂走的,不過重點是想她多動動腦筋。這就是大帥哥背後的簡單生活。」相中見到他與媽咪齊齊在玩波子棋,他的媽咪好專心地在思考,他就好有耐性地在等媽咪。紛絲同網民見到此情此境都大讚Dicky好乖仔,充滿展現出鐵漢柔情的一面。
其實Dicky只要不用開工,一有時間就會多陪伴媽咪,早前他就post了同媽咪去買花的相,留言話:「今天帶她到花卉巿場買花,我認為對於老人,我們的陪伴是最重要的。」足見他真是好錫媽咪。 

健仔好有耐性咁等佢媽咪。
佢又陪媽咪去買花。

一齊睇下呢位柔情大帥哥嘅靚相啦!

+5