【新春開運王】湯洛雯望豬年做業主 做好準備等上車:細有細買

撰文:
最後更新日期:

湯洛雯今日(22日)出席無綫電視賀年節目《新春開運王》拍攝,說到自己今年想上車,所以向麥玲玲師傅攞貼士:「因為自己未儲夠錢,所以問上車或者租樓有冇咩要注意嘅地方。」又透露其實離實現目標尚有一段距離:「其實大有大買、細有細買嘅,所以成日都想等個時機,但師傅話今年係入市好時機,同我聽講樓價會回落少少,可能呢段時間留意吓。」
 

湯洛雯努力儲錢,希望今年可以做業主。(葉志明攝)

說到昨晚好姐妹黃心穎的生日派對,靚湯話:「真係好耐冇著過校服喇!麥美恩話自己成世人都冇著過校服,所以今次呢個Party圓咗佢一個夢。自己對上次係中學嘅時候著校服,都十幾年喇。」時隔多年再穿上校服,靚湯表示有點尷尬:「著咗之後大家都話死啦會唔會有啲違和感,但ok嘅,大家玩吓囉。心穎都好開心嘅,29+1,所以今次呢個Party等佢可以留吓念。」

湯洛雯自信表示一班好姐妹打扮起來仍然很像學生妹,當中最像的是年紀最小的何雁詩。(葉志明攝)

湯洛雯透露為了這個派對大家都用了不少心思:「但我哋成日都覺得中學套校服唔夠靚,所以我哋特登上網買咗啲校服係日本校園風嘅校服,襯晒色襯晒Tie好靚嘅,所以今次我哋好滿意個Party。」說到男同學們,靚湯則笑說:「冇辦法,張振朗啱啱開劇所以染咗個白頭,係要被趕出校嘅壞學生,但馬明個套係逃學威龍個套,好正!」看來他們都在派對裡留下了不少歡樂的回憶。
 

湯洛雯說小學和中學都讀女校,所以不太懂和男生相處,去到大學才有男同學並和他們溝通。(葉志明攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。