【青春有你】富二代王喆表現強差人意 連李榮浩都無眼睇

撰文:
最後更新日期:

王喆訓練得20日就去《青春有你》,除非佢瘋狂發力,否則好快被踢出局。

由於「限娛令」、「限娘令」持續出現,令內地選透節目《青春有你》(即係《偶像練習生2》)播出時間都受到影響,原定本月18於愛奇藝上架,結果以「不會在原定時間播出了」宣布節目延期播出,好在,《青春》最終喺21號見街。

王喆全程都係只得呢個表情。

節目中,絕大部分參賽者都已經有經理人公司,當中備受關注嘅王喆,雖然未曾出道,但微博已有30萬粉絲關注,到底呢位90位畢業於倫敦大學皇家霍洛威學院(RHUL)有咩咁勁?自從參加《青春》消息曝光後,網上有唔少佢嘅「身世」流出,而「王思聰弟弟」一項更成為微博熱搜。眾所周知,王思聰乃中國萬達集團董事長王健林獨身子,所以那來弟弟呢?而「王思聰弟弟」成為熱搜後,王思聰發聲明澄清王喆係佢娛樂公司嘅練習生。不過,網上有唔少消息指王喆其實係王思聰嘅表弟,係真係假就不得之知,不過可以肯定王喆家境雄厚,身上不乏LV、CHANEL和Chrome Hearts等名牌。

王喆明明係電玩界,但硬要走去參加《青春有你》。

有網友更指出王喆於電玩界小有名氣,而本來係93年出身嘅佢,唔知點解去到《青春》之後,突變成96年小男生。王喆雖然受到高度關注,但佢喺節目表現就強差人意,受過20幾日訓練嘅佢,喺節目中與同公司嘅兩位訓練生唱出《當你》,瘋狂走音,聽到連導師李榮浩都為之側目,最終得到「聲音完全沒有融入歌詞 」、「沒有起伏」嘅評價,繼而被安排到F級。面對訓練不足嘅參賽者,張藝興都頻頻嘆氣,更寄語王喆要問清楚自己想做啲咩,並希望佢可以透過節目成長。
 

凡走過的必留痕跡,網上有唔少王喆嘅「生活照」。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。