【荷里活有個大老千】傳借狗密會人夫鄧健泓 李施嬅:狗狗係無辜

撰文:
最後更新日期:

李施嬅今日(31/1)出席於西九中心舉行的無綫劇集《荷里活有個大老千》迎新春造勢活動。施嬅在戲中「破格」演出15秒擺21個誘惑甫士成為城中熱話:「係拍嘅時候係有少少尷尬,因為未做過呢啲角色同呢啲動作,咁所以係有啲驚嘅,又要講啲對白又要「咦」同「耶」,但出到嚟反應又幾好,其實我又冇跳舞底,又冇咁多存貨係度,所以上網搵。」

李施嬅今日出席《荷里活有個大老千》迎新春活動。(李文偉攝)

在2004年時,李施嬅與鄧健泓因拍攝無綫劇集《老婆大人》而撻著,09年因女方停工遠赴加拿大升學,兩人關係轉淡,到最後分手收場。近日有指李施嬅借定情愛犬,密會舊愛人夫鄧健泓,女的被拍到在男方寓所樓下接兩人同居時共養的兩隻狗隻,兩人還有講有笑,被指偶斷絲蓮。據悉愛犬是當年兩人共墮愛河時的定情「結晶品」。李施嬅接受香港01訪問時說:「其實我哋不嬲我哋都有搵,我同鄧健泓、Sukie都係朋友,唔存在偶斷絲蓮呢個問題,其實我覺得係一件好正面嘅事,狗狗好似小朋友咁係有生命,可能好多人覺得佢嘅生命可以買返嚟就可以遺棄,但對我嚟講就唔會覺得,你可以話選擇托養或其他方法,但我就覺得狗狗係有感覺,佢好想有一個親人係身邊,咁所以咁多年我哋都咁堅持,一係佢睇又或者我睇,咁一定唔可以畀第二個睇囉,其實每一次交收狗狗嘅時候,Sukie都會在場。」

李施嬅表示傳媒所影到的照片是上年的事。(李文偉攝)

施嬅被問到會唔會怕麻煩,日後有所避忌?「其實我又覺得唔好嘅一件事,雖然佢係我前度Ex,已經係10年前嘅事,同埋大家都係朋友嘅關係,我亦好開心佢搵到Sukie咁叻嘅女仔,佢又靚又識唱歌嘅女仔,我哋三個都會間唔中會約埋一齊食飯,覺得成件事好正面,雖然大家冇喺埋一齊,但都會祝福大家,係一件開心嘅事,點解啲傳媒寫到咁負面,如果寫到人哋驚咗唔做,啲狗狗最無辜,反而佢哋最受害,點解要咁樣呢,不如大家寫啲正面嘅嘢好過啦,將呢件事讓人學習,去珍惜生命好過啦。」

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。