俄仔Ansheles過年孤伶伶最唔開心:今年諗住擺檔寫揮春

撰文:
最後更新日期:

俄仔Ansheles今年搞作多多,連佢自己都話有升呢感覺。(黃國立攝)

18歲隻身來港嘅「俄仔」Ansheles愈戰愈勇,劇集綜藝雙線發展之餘,最近仲同李拾壹合作出歌rap中文,新歌《麻麻哋Day》曲、詞、編曲同監製都係由俄仔同李拾壹負責,歌詞「今晚打風 聽朝返工」、「我今次真係gg」貼地之餘亦係唔少後生仔心聲,唔少網民都大讚俄仔此舉有驚喜。「寫rap其實唔難,自己都無諗過咁快,反而唱歌部分花最多時間,教我嘅老師雖然好好,但我覺得佢好想殺死我。」

俄仔嘅廣東話雖然講得都算流利,但要rap都唔係咁易,佢用咗兩個月時間搵唱歌老師修補。

+2

曾經話過自己唱歌非常唔掂嘅俄仔,今次勇敢地豁出去,佢話原本係打算同李拾壹合作拍片,但對方反過來鼓勵他rap。「大家反應都唔錯,亦都聽得明我rap咩,之後應該都會繼續,話唔定將來會出碟!」香港樂壇愈來愈熱鬧!其實除咗rap之外,俄仔今年亦會向設計方面埋手,諗頭多多,難怪佢覺得自己升呢。

「字唔識寫唔緊要,最緊要有姿勢。」(黃國立攝)

對於中文,俄仔其實只係識講唔識睇/寫,笑言中文程度如同三歲小朋友嘅佢,呢日請佢寫賀年揮春如同希望工程一樣,就連自己寫緊嘅「豬籠入水」都唔明真正意思是什麼,至於個個打工仔都會有嘅「初四咁嘅樣」,佢更一度解讀為「wrong die like this」同「坐到死」。留港5年,俄仔話每到農曆新年都特別唔開心,因為無屋企人陪,直到之前有香港朋友邀請佢去拜年,佢先有「家」的感覺。「今年本來打算去上海,但朋友話好多鋪都會休息,所以放棄,但留喺香港都唔知做咩好,可能寫揮春拎去賣。」相個如果俄仔真係去開檔寫揮春的話,應該都會賺到笑。相睇俄仔到底係點「畫」揮春,記住睇埋片。
 

俄仔Ansheles嘅中文字都唔錯,「大家好,我是俄仔,我今年二十四」以及「你快樂」都係零提水下自己寫,好叻!(黃國立攝)

寫「豬籠入水」時,俄仔Ansheles不停驚嘆自己點解可以愈寫好睇,最欣賞「水」字,仲話要拎返屋企留念。(黃國立攝)

+7
+6
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。