農曆新年又到，《01娛樂》先再這裡恭祝大家新年快樂、身體健康！新年當然要去拜年，逗利市之外，亦要帶一些賀年禮物，新春喜氣盈盈嘛！至於這些賀年禮物，其實年年都差不多，但並不像聖誕節時收到一些沒有用的交換禮物，因為起碼有得食！以下就跟大家盤點十大新年會見到的賀年禮物，睇吓你今年收到邊幾樣？
第十位－Merci 德國出品的Merci朱古力絕對是年年新年各大商舖必賣的食品，一條一條食，話咁快就食晒，而且味道眾多，價錢公道，唔怪得咁多人買！（網上圖片） 第九位－零食語物零食 零食語物在近年迅速冒起，不少人會到門市選購新年賀禮，貪佢選擇夠多而且價錢唔貴，又啱晒小朋友食，送禮真係一流！（網上圖片） 第八位－各類糕點 新年當然要食糕應節，步步高昇嘛！所以各式各樣的「糕」便會被當成賀禮送出，包括蘿蔔糕、年糕、芋頭糕等等。（資料圖片） 第七位－樂家杏仁糖 雖然食落有啲痴牙，不過絕對又係香港人年年都會食嘅零食之一，而且始終都係百年品牌，點都有個懷舊感覺喺度。（網上圖片） 第六位－Lindor 瑞士蓮Lindor朱古力又是一個香港人新年必食的朱古力，幾款味道各有喜好，不過筆者就比較鍾意黑色，而且由於它是軟心朱古力，食落特別有口感。（網上圖片） 第五位－瑞士糖 瑞士糖唔使講喇，相信每一個香港人都食過，而且亦係又平又好食嘅代表之一。（網上圖片） 第四位－壽桃牌蝦子麵 其實唔只蝦子麵，壽桃牌仲有鮑魚麵、瑤柱麵、全蛋麵等等，一樣都係送禮之選，一大盒入面分開幾包，方便食用嘛。（資料圖片） 第三位－藍罐牛油曲奇 其實雖然牛油曲奇比較多人買，但根據非正式統計，朱古力味曲奇受歡迎程度係更高！（資料圖片） 第二位－金莎朱古力 金莎朱古力真係令人滿心滿足，話晒都係天神嘅禮物，拎嚟送禮真係一流，唔怪得咁多內地人瘋搶喇！（網上圖片） 第一位－嘉頓家庭什餅 登登登凳！作為本地品牌，嘉頓呢個名已經深入民心，尤其嗰罐大大罐嘅家庭什餅，直頭被網民捧為最受歡迎賀年禮品，因為就算遇到飢荒都唔驚，有排食！（網上圖片）