【跳躍生命線】四子街頭表演賀新年 何廣沛爆羅天宇感情狀況!

撰文:
最後更新日期:

TVB有不少藝人都熱愛唱歌,當中「跳躍四子」何廣沛(Matthew)、張彥博、羅天宇(Joey)及郭子豪,日前就聯同同樣鐘意唱歌的主播許文軒(Edmond)及潘盈慧齊齊拍攝TVB娛樂新聞台賀年節目。

跳躍四子何廣沛、張彥博、羅天宇及郭子豪,聯同主播許文軒及潘盈慧街頭表演賀新歲。

眾人走進銅鑼灣及尖沙咀街頭Busking唱歌,引起巿民圍觀,場面熱鬧,四子亦有大談豬年大計,張彥博說:「上年幾個兄弟做我音樂會嘉賓,希望每兩三個月都可以拍啲片畀大家,(作歌畀四人合唱?) 好啊!不過要等大家得閒,依家大家都好難約。」Matthew說:「我哋都希望可以一齊再拍劇,希望可以拍一啲青春劇同熱血嘅角色。」

四子希望有機會再合作演熱血角色。

談到桃花運時,Matthew被問起朱晨麗,竟然大耍太極,借好兄弟過橋,他說:「張彥博作為長輩,應該喺我哋四人當中第一個結婚。」他又取笑羅天宇,Matthew說:「襯碗「湯」仲暖暖地就快啲飲,你唔係攤凍晒先嚟飲?」「飲湯」?唔通指Joey有機會同湯洛雯復合?Joey則回應說:「依家唔諗咁多,唔可以太主動,工作為先啦!」

羅天宇近日與陳瀅傳緋聞,但何廣沛又提起湯洛雯,更叫羅天宇「趁熱飲」,唔通暗示二人有機會復合?

【周五心意運動】您捐一封$50利是,已可為基層送上溫飽,01心意呼籲您支持【食德好】,每$50可為12個家庭提供一餐回收蔬果及食物https://heart.hk01.com/zh/project/10003



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。