陳凱琳越南Resort享受Babymoon 纖瘦背影完美隱藏巨肚

撰文:洪曉璇
出版:更新:

對於大肚婆有好多都市傳說,唔可以蹲低唔可以揼釘,出遠門更加諗都唔使諗。時代唔同啦,好多傳統嘢大家都未必跟足,只要陀得穩陣,問過醫生身體情況許可,唔少媽媽都會大住肚去Babymoon。陳凱琳去年11月宣布懷孕後,繼續工作之餘亦不忘享受人生,呢幾日又飛到越南度假,仲大曬巨肚添。

陳凱琳上月尾舉行Baby Shower,「少婦聯盟」幾位姐妹當然有出席啦。(陳凱琳IG)

早前已經有人撞到鄭嘉穎帶Grace到越南芽莊旅行,睇嚟Grace真係好鍾意越南呢個地方,新年期間又去咗越南Resort啦。Grace喺1月中出席活動時,已經透露自己懷孕後重咗超過20磅,見到佢其中一張相只有背影,其實睇落仲係好纖瘦呀﹗

就咁睇背影,Grace仲係相當少女。(陳凱琳IG)

點知轉個側面就感覺大逆轉啦,Grace著住件鬆身灰色上衣,加黑色貼身褲,見到孕肚明顯隆起,即使素顏都顯得氣息相當好。Grace留言話:「When he tells you he loves your pregnancy glow.」雖然相片未見老公鄭嘉穎身影,但呢句說話無疑出自愛人口中,先會令Grace咁冧啦。

點知轉個側身,就連超鬆身衫都遮唔住佢嘅巨肚。(陳凱琳IG)
Grace仲著上泳衣於池邊享受日光浴。(陳凱琳IG)
+9