【情人節】吳家樂結婚13年冇特別慶祝:我當年連求婚都冇!

撰文:
最後更新日期:

不少人會覺得情人節是情侶才會重視和慶祝的節日,對於一些老夫老妻似乎是可有可無,吳家樂與太太結婚結婚13年,那麼他們還會否慶祝情人節呢?家樂接受《香港001》訪問時說:「我哋未算係老夫老妻,不過因為大家都好忙,加上心思都放喺三個仔女身上,所以冇咩特安排,或者出年預早安排一下。」至於可會送花給太太,他笑言:「佢每次睇到新聞講情人節影啲人收花都會話自己冇花收,我話我鼻敏感呀,實際啲好。」

吳家樂坦言自己唔係一個浪漫嘅人。(梁碧玲攝)

家樂坦承自己並非一個浪漫的人,這麼多年來更是從未送過花給太太,他說:「老實講,由我哋拍拖到結婚至今,我都冇送過花畀太太,就連求婚時都冇送過,因為我都冇求過婚,當年係大家傾傾下就話不如結婚啦。我太太有時都會畀說話我聽,當佢睇電視或者睇戲睇到人求婚時,就會話點解佢冇經歷過呢啲。」他認為對另一半平時的關心重要過指定節日去慶祝:「我個人比較實際,咁當然會氹下太太,我送禮物都係送啲佢需要同實用嘅嘢,一直都係咁樣,如果有日我突然間變得浪漫,先至有問題。」

佢話由拍拖到結婚咁多年都無送過花畀太太。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。