汪明荃攝太歲潮孭梅根熱捧手袋 價錢親民外型特別撞袋率低

撰文:鄺鈺瑩
出版:更新:

Fashion Liza(汪明荃)同家英哥遊日返港後,繼續孖住去黃大仙拜神同攝太歲,雖然人山人海,但阿姐都好有耐性,仲影埋相留念。是日入廟拜神,阿姐選擇一身紅噹噹裝扮,喜氣洋洋。仔細一睇,咦,阿姐用緊嘅手袋仔原來係英國薩塞克斯公爵夫人Meghan Markle最愛嘅牌子Strathberry!不得了不得了!

拜神都要潮,汪阿姐一個Strathberry再襯埋桃紅指甲油,醒神。

話說呢個蘇格蘭品牌雖然成立只係得4年時間左右,但自從被英國公爵夫人Meghan Markle拎過上手之後,再加上其親民價錢,即時引來全球熱捧。雖然係價錢親民,但設計師就話過每一個袋都係全人手製成,而手袋上嘅金屬長條袋扣亦係品牌嘅特色之一。

Fashion Liza身上的Strathberry Nano Suede bag已全線售罄。
香港連卡佛都有賣Strathberry,價錢都唔算好貴。

而Fashion Liza身上呢款Nano Suede Tote除紅色之外另外泥黃色,價錢將為4百多美金,可惜嘅係無論官網定其他online shop均已sold out!又再一次證明阿姐嘅時裝觸覺真係勁到無朋友!
 

英國公爵夫人Meghan Markle多數選擇Strathberry嘅皮款。(視覺中國)
+9

【周五心意運動】您捐一封$50利是,已可為基層送上溫飽,01心意呼籲您支持【食德好】,每$50可為12個家庭提供一餐回收蔬果及食物https://heart.hk01.com/zh/project/10003