【情人節】藝人歌手星級放閃　邊對公開打情罵俏最溫馨？

平日大家在IG、FB都已經成日放閃，2月14日情人節更是一個閃死人無命賠的日子。不少藝人明星亦都藉著這天向擊愛表達愛意。余文樂婚後從不吝嗇曬妻炫B，情人節又點少得佢。二人結婚才一年，已經有一種老夫老妻的感覺。（IG圖片）

林奕匡用自己的歌《冥王星》的歌詞來表達對太太的愛，「你是太陽每個人都敬仰」，以太陽來比喻太太，才子的示愛方式含蓄得嚟冧死人。（IG圖片）

況復生張國權求其揀張同老婆嘅合照都甜到漏。（IG圖片）

Ella（陳嘉樺）情人節要老公唔要仔，講笑叫「勁寶（囝囝）閃邊去」，沒有因為生咗仔就忽略老公，令他覺得備受重視，Good！（IG圖片）

岑麗香（香香）本身已經甜到漏，po埋同老公嘅甜蜜孕照，真係甜上加甜。佢仲話老公係佢嘅forever friend，感恩天父賜個咁正嘅老公畀佢，仲話期望個仔似老竇，真係無論單身定有伴都被閃盲。（IG圖片）

香香的閨蜜王君馨（Grace）都po咗張同老公嘅紐約結婚相，佢真係好鐘意呢張相，因為畫面真係好有愛。（IG圖片）

蔡瀚億（BabyJohn）用日文祝大家情人節快樂！（IG圖片）

關心妍的大小情人。（IG圖片）

少爺占和太太Tina(冼燕珍)是幼稚園同學，情人節對佢哋嚟講別具意義，因為呢日仲係佢哋嘅結婚紀念日。兩人拍拖17年，06年二人選擇在情人節秘密結婚，今年結婚13周年，二人一齊已經30年！！（IG圖片）

黃嘉樂用城城嘅《愛的呼喚》嚟向女友表達愛意：「愛意永不會間斷，就算世界與星空每天改變，愛妳更多總不減半點，最愛聽妳聲線」。（IG圖片）

講到放閃又點少得蕭生蕭太，江若琳在IG投訴老公蕭潤邦打算hea 過情人節，婚前婚後大不同，仲搞笑地叫佢「食自己」。（IG圖片）

蕭生馬上補鑊，兩公婆公開打情罵俏。話晒都係婚後第一個情人節，相信蕭生今晚應該係準備咗驚喜畀蕭太！（IG圖片）