【渣打馬拉松2019】瞓一個鐘跑全馬 胡諾言:希望4個鐘內完成!

撰文:
最後更新日期:

一年一度的渣打馬拉松今早(17日)展開,一向熱衷於跑步的胡諾言(胡仔)今年再度出擊參加全馬賽事,他坦言完全不夠睡眠:「同以往一樣,都只係瞓咗一至兩個鐘左右,尋晚打算好乖咁8、9點瞓,但結果都係唔得嘅!」

由於今日早上濕度更高,又可能會下毛毛雨,胡仔表示一點也不擔心,因為自己曾經參加過一次下滂沱大雨的半馬賽事:「當其時仲差過而家,所以我覺得我係有少少經驗嘅,如果微微雨都唔會有太大影響嘅。」

胡諾言(胡仔)今年是第三年參加全馬賽事,本來打算早瞓,最終失敗:「尋晚打算好乖咁8、9點瞓,但結果都係唔得嘅!」。(葉志明攝)

跑西隧最難捱:似跑緊沙漠!

第三年參加全馬的胡仔表示覺得西隧是最難捱、最考意志和經驗的一段路:「西隧除咗條路好長之外,感覺好似跑緊沙漠咁,你望前面好似一望無際只有一條路咁!又冇嘢可以吸引到視覺去分散自己嘅辛苦,所以嗰個位最有考驗。」

胡仔去年在3小時43分鐘內完成全馬賽事,但他坦言要再創佳績確實有難度:「上兩個月整傷咗左邊膝頭筋膜發炎,依家好返8、9成,練習都冇之前咁多,所以希望四個鐘內完成就得喇。」

雖然睡不飽,但胡仔笑言自覺狀態都不錯。(葉志明攝)

胡仔在起跑前做熱身運動,靠圍欄拉筋。(葉志明攝)

【周五心意運動】您捐一封$50利是,已可為基層送上溫飽,01心意呼籲您支持【食德好】,每$50可為12個家庭提供一餐回收蔬果及食物https://heart.hk01.com/zh/project/10003



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。