【大老千】因「王晶女兒」身份被挑剔 王子涵:有好評已經足夠

撰文:
最後更新日期:

王子涵昨日(20日)與一眾TVB劇集《荷里活有個大老千》演員,到尖沙咀酒樓吃新春開年飯,她表示「缽仔糕」是自己首次令觀眾留下深刻印象的角色:「好特別,出到街好似有啲家人、好close嘅朋友叫我『喂,缽仔糕!』呢個係好開心嘅一件事嚟,好感激可以遇上呢個角色。」

王子涵、鄭則仕、李施嬅及張慧儀等一眾《荷里活有個大老千》劇中演員再度聚首吃新春開年飯。(葉志明攝)

子涵近日因一邊食砵仔糕一邊爆喊尋找爸爸的一幕,播出後而大受網民讚賞,她直言這場戲是自己整部劇最喜歡的一個場面,並憶述拍攝當時想著爸爸王晶:「好多人話識喊唔代表戲好,嗰場戲唔係淨係一滴眼淚可以幾擔心搵唔返爸爸,我好想做到一啲深層次啲嘅感覺,雖然理解唔晒,都仲有好多空間畀我發掘。」

子涵表示與其他導演合作相比,與爸爸王晶合作時會他會更加用心提點自己要注意的地方。(葉志明攝)

由於背負著「王晶女兒」的身份,觀眾自然對她有更高要求而常常雞蛋裏挑骨頭,子涵坦言會到論壇看網民的意見:「當然好多好harsh嘅留言我都有睇過,但係喺呢啲留言之中,我都見到有好評,我覺得已經好足夠。」子涵笑稱會樂觀面對批評,並會從批評中反省自己的演出,努力提升自己,同時亦希望觀眾可以給她多少少包容:「我第一次擔任一個重要一啲嘅角色,大家可以畀多少少空間我,等我有少少改進,我都想做得更好。」

子涵透露即將於另一位從未合作過的導演合作拍電影。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。