【福爾摩師奶】陳瀅演到負能量爆燈 足足兩個月唔敢見朋友

撰文:
最後更新日期:

陳瀅今天(24日)出席電視劇《福爾摩師奶》的宣傳活動,劇中她飾演一名藝術家,「表面我畫畫之餘仲會有其他技能,當然唔劇透得太多,呢個女仔睇落似簡單女仔,但其實佢人生經歷好多事,令到佢性格會顯得寂寞,演時候好攰,因為實在太慘,所以成日都要用負能量心情去演,所以幾大挑戰。」

陳瀅今天(24日)出席電視劇《福爾摩師奶》的宣傳活動。(葉志明攝)

拍攝這段日子陳瀅很害怕面對朋友,因她角色需要將心情變得很沉重,更害怕將負能量傳染給身邊人,所以她有兩個月沒有跟朋友約會,不過拍完後她透露很快調整心情,但現實每人也會有負面情緒,陳瀅笑言她的舒發很簡單:「我會食嘢,乜都會食,我每日都一定要食嘢,唔食嘢我會發脾氣,一有嘢食我就會好滿足,我好客易氹,都好容易養。」

陳瀅演呢個角色其間感到空虛及寂寞,唔知嗰陣時佢有無好凍呢?(葉志明攝)

陳瀅身為現今緋聞女星最多之一,但這套劇到現時為止暫時沒有緋聞出現令到她很感恩,「難得一套唔傳,當然唔想傳緋聞,其實每次拍劇都會有緋聞呢樣嘢,全因為要同對手溝通,溝通比較親密就會有緋聞,但演員溝通係必須要對我嚟講。」

陳瀅對今次呢套劇無緋聞出現非常開心!。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。