【流行經典50年】網友讚超水準期待新作 泳兒:一直堅持唱廣東歌

撰文:
最後更新日期:

TVB節目《流行經典50年》,每集都請一班大家熟悉嘅藝人歌手,上去獻唱那些年嘅經典歌曲,真係一響起前奏已經回憶返曬嚟,識跟住一齊唱。呢日泳兒同吳浩康擔任嘉賓,唱出《花無雪》以及《我的回憶不是我的》,短片上載短短一日已經超過4萬2千觀看次數,過百留言大讚演出極精彩﹗泳兒接受《香港01》訪問時表示相當驚喜:「有啲網民話2019年仍然都聽緊,多謝你地。」

泳兒呢日同吳浩康以及許靖韻一齊參加《流行經典50年》錄影。

泳兒同阿Deep眨下眼都出道十幾年,一直被視為實力派唱將,特別係泳兒,由一出道嘅第一首派台歌《感應》已經令人驚艷,更奪得「十大中文金曲」及「新城勁爆歌曲」,係第一位憑第一首派台歌奪歌曲獎嘅女歌手。呢晚先由泳兒獨唱出當年第二隻個人專輯主打歌《花無雪》,空靈高亢而不刺耳唱出「為何你令我活到仲夏仍像初冬」,令人不禁代入歌詞引起無限愁緒。

演出片段上載短短一日已經超過四萬二次觀看次數。

【音匠相傳】現今樂壇一樣有寶藏 泳兒:點解成日要同以前比較?

唔少網友大讚泳兒呢日係超水準表現﹗(影片截圖)

唔少網民都大讚泳兒唱功一流,但同時為她未能在香港樂壇大紅大紫感到可惜。「香港人真係吾識欣賞好歌手!泳兒首首歌都甘好聽樣又唔差,唔明點解會唔紅。」、「live都好聽到痴線,睇完電視要即刻再聽﹗」、「紅唔紅真係講命講運,最紅嘅未必係最有實力,最有實力又未必最紅……希望泳兒可以遇到一個爆出嚟嘅機會啦」

好多網友問咁好嘅歌手到底去咗邊,其實泳兒一直都有唱歌,去年亦有推出一首《騎膊馬》,更參加過內地音樂節目《蒙面唱將猜猜猜》第三季,獲得猜評團一致好評,師兄古巨基忍唔住眼紅紅咁同Vincy講:「你真的很好,很努力,你是值得擁有更多的機會。」

《我的回憶不是我的》當年掀起一陣翻唱熱。(影片截圖)

【蒙面唱將】泳兒落淚透露曾因失聲迷茫 古巨基:妳值得擁有更多

錄影後Vincy都喺IG分享感受:「好耐冇上電視唱呢隻歌,真係好有回憶,我記得當年入錄音室嗰句初冬真係omg。」

對於呢次上節目可以引起咁大迴響,Vincy接受《香港01》訪問時表示相當驚喜:「好多謝網民仍然喜歡呢兩隻歌,有啲網民話2019年仍然都聽緊,多謝你地。好多人話呢兩年好少聽到我唱歌,其實一直都有堅持唱廣東歌的。好歌難求,希望會再次遇到同我有化學作用嘅廣東歌,可以再次令大家聽到我的聲音。」佢仲預告嚟緊三月會有新歌出,希望大家繼續支持。

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。