【唐人街】王君馨苦練「十二路譚腿」 拍完劇仲要去gym練腰力

撰文:
最後更新日期:

王君馨今晚(26/2)現身中環舉行的著名意大利珠寶腕錶品牌派對。王君馨表示自己好少戴珠寶首飾:「如果唔係要有特別嘅妝容加上服飾去襯呢啲珠寶,我係唔會戴,不過我都有珠寶首飾,有啲係媽咪送畀我嘅,但就冇計過總值幾多錢,當然戴得最多嘅係結婚戒指啦。」

王君馨今晚盛裝出席著名意大利珠寶品牌派對。(陳順禎攝)

無綫新劇《唐人街》如火如荼拍攝中,當中武打場面由武術指導郭追師父操刀,為每位演員度身訂造不同武功招式,王君馨在劇中會與伍允龍、元秋等人打到飛起,所以近日苦練腿功「十二路譚腿」,並將短片上載到互聯網,片中所見腿腿有力真係有啲料到。

君馨表示:「劇中每個演員各有唔同武功招式,而我係劇中主要係腿法,本身我啲根比較柔軟,但我必須要練返條腰嘅力量,所以有時可以休息嘅時候都係去做gym,因為怕自己拍嘅時候踢腿應付唔嚟,今次劇集係要同每一位演員都有一場打戲,所以係拍攝嘅過程都會整親撞瘀,好似伍允龍咁話:『唔痛,就唔真嘅』,雖然係痛但冇乜問題。」

王君馨在無綫新劇《唐人街》中,會以腿法武功「十二路譚腿」,與伍允龍對打一較高下。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。