【唐人街】有傳暗撻「教育界王力宏」 唐詩詠:如果再拍拖會低調

撰文:
最後更新日期:

無綫重頭劇《唐人街》一眾演員今日(28/2)出席劇集拜神儀式,祈求拍攝順利收視長紅。在劇中唐詩詠飾演錢芊芊是一名老千,會與陳展鵬有感情線。詩詠表示今套劇集每個演員都有不同招式武功,都會打到七彩:「今次我主要用「八卦掌」同佢哋對打,所以上身會用力啲,聽落好似好容易,其實都要腰馬合一,對我嚟講好有難道,其實如果可早啲接呢套就好,因為知道會拍打戲又要做文戲,喺體能上要求好高,所以對於我嚟講好難,依家惟有跑步練氣。」

唐詩詠在劇中與陳展鵬會有感情線。(陳順禎攝)

有指唐詩詠暗撻現年31歲有「教育界王力宏」之稱的陳思銘(Samuel ),早前兩人被踢爆孖住行山,疑似低調宣告戀情。詩詠甜絲絲說:「如果我再拍拖,我諗我會問下另一伴想唔想公開,因為每一個人嘅諗法好唔同,咁所以我會問另一伴嘅意願,咁我自己就覺得低調啲係會好啲嘅。」

唐詩詠表示好享受現在生活,可以結識不同的朋友。(陳順禎攝)

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。