【福爾摩師奶】江嘉敏被劇組笑似男人扮女人:我都唔嗲嘅!

撰文:
最後更新日期:

江嘉敏昨日(3日)出席TVB劇集《福爾摩師奶》宣傳活動,首次拍民初劇的她大爆自己初時被監製嫌棄太浮誇:「本身我個人講嘢比較大聲啲、似男仔啲,行步路都大步過人,所以拍民初劇個陣諗,我講嘢駛唔駛行步路細啲、講嘢使唔使有啲咩腔調呢?結果我見監製同編審嘅時候,我都專登學習用啲陰聲細氣啲嘅腔調,點知監製就話千祈唔好用啲咁嘅語氣同佢講嘢!」她知道自己聲線經常被觀眾批評,但她表示會樂於接受不同意見,了解完會好好反省並希望下次能做得更好。

經常被合作的對手投訴「太嘈」,江嘉敏笑言已經在拍戲時嘗試抑壓住自己變得斯文一點。(梁碧玲攝)

江嘉敏表示自己性格比較男仔頭,所以如果要她飾演溫柔如水或嬌聲嗲氣的角色就會很不知所措,而她在另一套電視劇《過街英雄》中正正就是做一個非常貪靚的「港女」:「個角色為咗得到自己想要嘅嘢會去嗲啲男仔,呢下真係難!無論係個講嘢方法,要好多『唔』、『咦』呢啲,仲要喺度扭扭擰擰,我好努力做出嚟都係畀劇組笑!佢哋仲要話:『我未見過男人扮女人㗎!』(怕不怕被網民說自己發姣?)都唔會嘅,係角色需要嚟㗎嘛!唯有搵我個妹練啦,不過佢都話我唔合格!」她笑言自己現實生活中不會對男朋友撒嬌:「我都唔嗲嘅!啲女性朋友都話男仔唔嗲唔得㗎,所以我都仲係學習階段!」

挑戰完民初劇,江嘉敏希望能再下一城挑戰拍古裝,因為自己非常想嘗試騎馬。(梁碧玲攝)

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。