【鋒味】謝霆鋒歐洲旅行遇騙案 舉中指應對甩身:好在我跑得快

撰文:
最後更新日期:

謝霆鋒之前同吳彥祖到希臘拍攝《鋒味》。(IG圖片)

去歐洲旅行聽落好寫意,但亦有好多人都話當地治安麻麻,不時有搶劫同騙案。呢日謝霆鋒分享同吳彥祖去希臘取景拍攝《鋒味》趣事時,被劉翁問到:「唔知你哋有無試過,歐洲會有人叫你Give me your finger,如果你真係俾咗隻Finger佢,佢就會捉實你隻手指不斷撟圈,跟住問你攞錢。」霆鋒就話自己都遇過呢種情況,然後佢就舉出中指,搞到火火同劉翁即刻爆笑問:「你走得甩咩?」霆鋒笑住答:「我跑得快。」

《鋒味前奏》中謝霆鋒繼續孖住火火同劉翁教大家煮菜。

呢集《鋒味前奏》霆鋒就教大家整沙律,當霆鋒一話要用黃芽白整沙律,火火同劉翁即刻露出嫌棄神情話:「黃芽白可以做沙律嘅咩?」霆鋒解釋呢道菜其實係由吳彥祖教佢整,火火即刻回應:「佢曉唔曉㗎?咪亂咁嚟啊!黃芽白攞嚟打邊爐㗎嘛!」又質疑生食黃芽白會有腥味,但當霆鋒完成沙律,佢哋兩個都搶住食,劉翁仲忍唔住話:「哇!得!」霆鋒仲幫佢改咗個名,叫:「吳彥祖黃芽白沙律」。

霆鋒話:「今季節目會去當地素人嘅廚房煮菜俾佢哋食。遇到好多神化小故事,但永遠呢啲小故事好動人,希望透過煮嘢食去交流。」

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。