岑麗香陀B八個月閉關養胎 拍片自爆身體抱恙
撰文：洪曉璇
出版：更新：
香香下個月就到預產期，之前情人節公開索爆孕照。（岑麗香IG）
豬年真係非常旺丁，陳凱琳同鄭嘉穎囝囝Rafael搶閘成為娛樂圈首個豬B。計返日子跟住落嚟有機會係單文柔或者岑麗香，兩位靚媽陀B後都少咗露面，單文柔早兩日舉行Baby Shower宣布小豬比係女仔。至於香香自從賀歲片宣傳期後，都未有再公開露面，主要靠社交網站同大家報告近況。
完成賀歲片宣傳後，香香已經無再出席公開活動，專心養胎。（岑麗香IG）
已經懷孕八個月嘅香香，自2月25號後未有再更新近況，曾有網友猜測佢會唔會提早生產，呢日香香終於再更新IG啦﹗佢手執一本英文育嬰書，留言話：「A lifetime of homework.」佢仲拍短片同大家問好，用艾文表示之前自己有少少唔舒服，不過依家已經好返，仲賣口乖話好掛住大家添﹗依家流感咁嚴重，媽媽真係要小心身體呀。
呢2個星期原來香香病咗，不過待產期間除咗休息，佢仲好勤力做功課學湊仔。（岑麗香IG）
香香早前身體抱恙，呢日拍片同大家報平安仲大曬照牌笑容，大家應該可以放心啦。（影片截圖）
+4