【快樂中年】新咖啡店即將開幕 陳豪:太太擔任設計顧問

撰文:吳子生
出版:更新:

陳豪今日(8/3)以嘉賓身分亮相無綫綜藝節目《快樂中年》錄影。陳豪笑言佢哋搵我上呢個節目係幾啱嘅,坦白講原全係我嘅嘢啦,去到我呢個咁嘅年紀,有個咁好嘅太太,有三個好好嘅小朋友,有一個好好嘅事業,再加埋自己嘅夢想都成真,咖啡事業都成形,對我嚟講活到呢個年紀快樂就係咁簡單囉。」

陳豪今日亮相無綫節目《快樂中年》擔任嘉賓。(陳順禎攝)

講到會唔會再生多個小朋友,陳豪甜絲絲話:「其實有仔有女呢,已經收工嘅,我同太太都好鍾意小朋友,你話會唔會再生,我又唔敢講,係咪想截我後路,我又唔想,所以I don’t know哈哈哈!」

陳豪表示太太陳茵微都有參於新店設計。(陳順禎攝)

陳豪透露自己的咖啡新店即將開幕,太太陳茵媺仲擔任設計顧問參與新店設計:「差不多三個月後,我哋間第一間咖啡店,會喺尖沙咀新開張,都有打算擴充業務嘅諗法,但要一步一步嚟,至於投資咗幾多?哈哈!都知大家對數字好敏感,不過呢個係商業秘密唔話得比大家知。」