勝利捲入醜聞案件缺席頒獎禮 容祖兒:我同佢都唔熟

撰文:
最後更新日期:

首屆《KKBOX香港風雲榜》今晚(12/3)假香港會議展覽中心隆重舉行頒獎典禮,一個百分百由本地樂迷點播而產生的得獎名單今晚揭曉,眾本地歌手角逐「十大風雲歌手」及「年度新人」多個獎項。原定今晚來港與容祖兒同台合唱新歌《Pretty Crazy》的勝利,因接連爆出醜聞,故取消今晚行程。

容祖兒奪得首屆《KKBOX香港風雲榜》的「年度風雲歌手」獎項。(葉志明攝)

奪得「年度風雲歌手」的容祖兒,由6名韓國舞蹈員伴舞下壓軸登場,唱出新歌《Pretty Crazy》。騷後接受《香港01》訪問時說:「勝利嚟唔到對我同觀眾嚟講係好可惜又遺憾嘅事,本身由合唱變成咗獨唱,因本上個月佢好忙,後期有好多工作都要佢幫手但都要叫停,所以對我嚟講好可惜。」
 

容祖兒由6名韓國舞蹈員伴舞下,唱出新歌《Pretty Crazy》。(梁碧玲攝)

(被問到合作時有冇察覺勝利有異樣?)Joey坦言說:「咁又冇,佢又好專注喺我哋兩個合作時工作上面,我都被蒙在鼓裏,乜都唔知道。」(覺得佢為人點?)「覺得佢為人好聰明,好機靈啦,又好有才華,其實我又同佢又唔係好熟,不過我對佢嘅評價都好正面嘅,希望佢哋嘅歌迷唔好咁唔開心,都知道偶像有事啲歌迷會好大打擊,我作為歌迷都會繼續支持Bigbang。」

(葉志明攝)

+9
+8
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。