菊梓喬恨開個人音樂會 迫公司表態 ：專登喺鏡頭面前成日講
撰文：吳子生
出版：更新：
首屆《KKBOX香港風雲榜》頒獎典禮，昨晚（12/3）假香港會議展覽中心隆重舉行，一眾本地歌手傾巢而出，角逐「十大風雲歌手」及「年度新人」等多個獎項，大會更邀請韓國獨立樂隊The Koxx的鍵盤手Shaun任表演嘉賓，為樂迷獻上紅爆全球的《Bad Habits》及《Way Back Home》歌曲。
歌手菊梓喬（Hana）奪得「十大風雲歌手」獎，頒獎禮後接受《香港01》訪問時說：「我知道呢個獎係好難攞，亦都知道靠好多聽眾歌迷落力去聽我嘅歌先有呢個獎項，我覺我好感動係好多朋友聽，呢個頒獎典禮係首屆喺香港舉辦，能夠成為首屆KKBOX風雲人物實在太感恩，又好光榮嘅一件事。」
Hana奪得首屆《KKBOX香港風雲榜》的「十大風雲歌手」獎項。（葉志明攝）
（成績咁好，會唔會要求加歌酬？）Hana笑言：「冇呀，我哋呢啲隨心嘅，其實佢哋每畀一首新歌都叫做獎勵，冇嘢重要得過，可以唱得到咁多好嘅音樂，希望可以舉辦到個人嘅音樂會，其實我都一直迫梗公司，都專登喺鏡頭面前成日講，希望佢哋幫我舉辦，但佢哋好似未有表示。」
Hana希望不久將來能夠舉辦個人音樂會。（葉志明攝）