【開心速遞】岑杏賢相隔近百集再次擔正 同KC擦出愛火花芳心暗許

撰文:
最後更新日期:

KC原本想撮合Icy同鐵面陳。(電視截圖)

無綫處境劇《愛‧回家之開心速遞》昨晚播出的一集,由岑杏賢 (Jennifer) 飾演的Icy擔正演出,劇情講述她為了幫KC (歐瑞偉飾) 而特地請假,更因此而錯過了同富家男朋友遊船河,結果慘被狠飛致失戀,最後卻被KC為她做的一切給感動了,對KC芳心暗許。劇終時用葡文說了一句:「我找到了!」對KC充滿好感,擦出了愛火花,雖然KC並不知道。

尋晚嗰集由Jennifer擔正。(電視截圖)

Jennifer自從於百多集時加入《開心速遞》至今,戲份一直都不多,到了451集時跟KC與Peter (杜大偉飾) 組成外戚大聯盟,那集才有機會擔正演出,當時播出後觀眾同網民都有幾好的反應。而昨晚的一集,亦可以算是Jennifer在劇組一年多以來,最多戲份的一次,且她的演出也非常搶鏡。網民也有於討論區討論KC和Icy這對新CP。

真係估唔到KC同Icy會有感情線呀。(電視截圖)

究竟KC是否真的會同ICY成為一對呢?Jennifer接受《香港01》訪問就透露:「嚟緊我嘅戲份係會多咗,同KC會有一條線嘅,至於係咪感情線,會唔會發展成為情侶就要觀眾嘅反應,睇下大家鍾唔鍾意,同埋要睇編審嘅安排喇。」她表示該劇現已拍至560集,Icy仍處於暗戀KC的階段,擁有一顆少女心的她將會愈來愈主動:「佢會暗示畀KC知道,佢並唔介意兩人年齡上嘅差距。」而現實生活中的Jennifer就希望另一半會主動追求她:「我鍾意男仔有自信同埋積極啲,不過如果真係遇到一個我好鍾意嘅男仔,我都會做主動為自己嘅幸福去爭取。」

佢嚟緊同KC會有好多對手戲。(IG圖片)

一齊重溫返呢集嘅精彩片段,以及Jennifer喺ig嘅靚相啦。

+38
+37
+36


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。