【P風暴】周秀娜電影全程受鄭嘉穎保護：有啲嘢真係要還嘅
撰文：葉詩
出版：更新：
今日（18日）為香港國際影視展的第一天，來到第四部的反貪風暴系列——《P風暴》主演們集體亮相，包括古天樂、林家棟、林峯、鄭嘉穎及周秀娜等，現場星光熠熠。周秀娜是次在電影中飾演女護士，並因她的指證使林峯入獄，令林峯的復仇心油然而生，從而追殺周秀娜。
周秀娜稱自己的逃跑戲份遍佈海陸空，可見製作費之昂貴。（葉兆康攝）
周秀娜稱在電影中，自己的戲份海陸空都有，用盡所有方法逃到天涯海角，說到最深刻的戲，娜姐說：「每一場對我嚟講都好難忘，尤其是係直升機入面，拍攝空間好細，如果攝影師要拍晒我哋三個就比較難，所以有時候拍我佢哋就要抖一抖，變咗我哋三個就要留意對方做緊咩、拍緊啲咩，到自己嘅時候就靠想像去做戲。」談到在電影中，周秀娜逃亡的全程都靠鄭嘉穎保護，周秀娜大讚對方：「佢好稱職，每一場有人捉我，佢拖住我跑嘅時候，咩都以我為先。」她又笑言：「有啲嘢真係要還嘅，因為上部戲佢同我係敵對關係，今次就主力保護我。」
周秀娜以黑色型格造型示人，又大晒長腿。（葉兆康攝）