強勢打造新一輯《英雄本色》 宋本中:將香港電影精神發揚光大

撰文:吳子生
出版:更新:

亞視重頭網劇《英雄本色》今日(19/3)在香港國際影視展舉行發佈記者會,宣布由紅爆網劇《反黑》導演宋本中執導:「其實我哋由9個月前已經開始構思呢樣嘢,因為《英雄本色》係我心目中最喜歡嘅電影,入面每一位前輩都係我偶像,咁所以我太大壓力,而我本身《反黑》嗰邊都好大陣容,但我又好情義結《英雄本色》,咁所以之前我諗唔到劇本,而我最近又諗到劇本喎,最頭痛係點樣搵到人去頂替戲中裡面最經典人物呢,最終我哋就做到啦,喺我上一部作品中做正派嗰幾個。」

導演宋本中表示稍後會公佈《反黑2》開拍日子。(葉志明攝)

此外,導演宋本中強調翻拍《英雄本色》嘅目的是要薪火相傳,唔係來拯救亞視:「亞視依家都轉型搞網劇,佢哋係全新嘅亞視,我哋拍呢套戲唔係要叻過上一套,好似發哥講嘅一樣,唔係要話畀人聽我哋有幾咁叻,有幾咁威,想話畀人聽香港電影工業唔見咗嘅嘢,我哋要自己攞返,發揚光大,將香港電影精神及呢套電影嘅核心價值,去話畀新一代年青人聽,呢樣就係香港電影嘅輝煌。」

導演宋本中有信心拍好手頭上兩部網劇。(葉志明攝)
+1