【福爾摩師奶】控制成本仲容易 監製方駿釗:最難係諗想講咩故事

撰文:
最後更新日期:

《福爾摩師奶》監製方駿釗應該係老闆眼中的完美打工仔,《降魔的》《跳躍生命綫》都是其作品,收視口碑有齊,最重要是成本控制得好,平、靚、正合乎無綫大原則,他說:「喺無綫拍嘢咁耐,大家都知有幾多錢用,有幾多咪駛多幾囉,哈哈哈....」,要在大機構生存,首先要令老闆滿意,但最難的是雄心沒有磨滅,「如果情況許何下,都想拉貼返港劇同其他國家嘅水平。」

方駿釗表示以微信找松松姐洽淡拍劇,想不到一日左右,她就答應演出。

共鳴感重要過大場面

方駿釗行內人稱他為「嘟嘟」,外表平易近人,在無綫工作了29年,由助理編導入行做到監製,深明無綫玩法,控制成本已不是問題,方駿釗覺得最困難是劇本前期,「Budget控制唔會係一個問題,反而係想講咩故仔嘅第一步係最難,香港觀眾,我嘅觀察佢哋想喺港劇揾到共鳴感,熟悉嘅人同事,反而唔係追求場面,收視壓力?我真係冇,如果收視差研究下咩事?如果好又睇下咩原因,公司亦都真係冇俾壓力。」

《降魔的》亦是方駿釗監製作品,雖然沒有拿到〈最佳劇集〉,但亦拿到〈全球網民最喜愛劇集〉

善用資源再提升質素

靜靜起革命或許是他的策略,他的作品《降魔的》《跳躍生命綫》甚至播放中的《福爾摩師奶》都非無綫典型劇集,但三套同一特點是製作費經濟,他說:「呢個環境俾我嘅資源做到最多嘅嘢,呢個係我職責,咁之後嘅bonus係改善到個質素,公司配合到咪試下囉,港劇同其他國家嘅劇集嘅最大分野係畫面上,但公司都慢慢追緊上嚟。」其他監製可能喜歡無限製作費,畫面要去到世界級,但方駿釗更著重人物,故事的細緻,他喜歡美劇《Barry》「故事好簡單,但每個人物都好細緻,劇本緊密,幾值得我哋去學習。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。