預測TVB已入手內地劇  必定要有福將新作《鬢邊不是海棠紅》

撰文:鄺鈺瑩
出版:更新:

喺剛揭幕嘅第23屆香港影視展上,TVB宣布已買入製作人于正嘅新作《馴夫記之大唐女兒行》,劇集由內地人氣小生許凱以及花旦李一桐主演,雖然劇集仍在拍攝中,但TVB都照入手,足見對內地劇甚有信心。無他嘅,去年宮鬥劇《延禧攻略》成TVB去年收視冠軍劇集,加上《馴夫記之大唐女兒行》同樣係由歡娛影視出品,該公司過往的《宮鎖心玉》、《陸貞傳奇》、《笑傲江湖》、《神雕俠侶》以及《皓鑭傳》TVB都有買入。

《馴夫記之大唐女兒行》仍在拍攝在,所以會否在今年播出都係一個謎。

活動上,TVB未有透露除《馴夫記之大唐女兒行》入手嘅內地劇集,不過按推斷的話,由于正製作、黃曉明、佘詩曼擔正嘅《鬢邊不是海棠紅》、關曉彤嘅《鳳囚凰》、以及吳謹言嘅《朝歌》,相信會喺不久將來登陸TVB。《鬢邊不是海棠紅》去年底已經開拍,阿佘喺劇中飾演黃曉明的妻子范湘兒,於原著小說中,黃曉明嘅原形乃商界精英,與京戲小生惺惺相惜並發展出感情。
 

黃曉明同佘詩曼呢個組合都幾新鮮。

除咗長劇之外,據悉TVB亦已入手只得5集嘅《小戲骨:包青天》,並準備喺4月6日(周六)播出,其實呢套劇集去年已在內地播畢,劇情以1993年金超群版本嘅《包青天》作為藍本,將最為經典嘅案件《鍘美案》改編。小戲骨的意思係以小孩演大劇嘅模式呈現作品,所以劇中的幾位主角全部都係11、12歲嘅童星。其實,既然都係包青天系列,TVB都有部自家製,由譚俊彥主演嘅《包青天再起風雲》,點解仲要入手部由童星主演嘅呢作品?!

《小戲骨:包青天》由一班小朋友主演。
+5