談善言拍住楊偲泳演同性戀不尷尬 盼望《淪落人》橫掃金像獎

撰文:蒙曉盈
出版:更新:

談善言(阿談)今日(20/3)聯同韓國女星裴斗娜,還有郭富城、林嘉欣、梁洛施、麥浚龍、黃偉文等人出席品牌傢俱系列展覽活動。阿談早前搬入新居,特意添置新傢俱,她較鍾情平實風格的傢俱:「我盡量會搵啲素色啲,簡單啲嘅傢俱,不過有啲傢俬好似梳化唔係成日洗,所以梳化布會揀番啲民族風點綴下。」

最近阿談與楊偲泳(Renci)合作拍攝電影《喜歡妳是妳》,飾演橫跨17至30歲的同性伴侶。阿談與Renci頗為相熟,所以演同性戀未感尷尬:「反而係劇組比較緊張,因為佢哋驚我地走光或者唔舒服,所以佢哋嚴陣以待,男仔清曬場,得返女性工作人員喺現場。」問到過往有否被同性追求,阿談透露有人對自己有意,但得悉阿談不是同性戀者,所以沒有實質行動追求。

談善言與楊偲泳老友鬼鬼,所以演同性戀不尷尬,反而劇組較緊張。(梁碧玲攝)

香港電影金像獎將於下個月隆重舉行,問到最想哪部電影滿載而歸,阿談屬意陳小娟執導,黃秋生主演的《淪落人》:「我睇優先場嘅時候,覺得香港好少咁溫情,令人睇完個心好暖嘅電影,而且劇情舒服,秋生都做得好好,香港電影有關社會問題都比較沉重,呢套中間有番啲正能量俾大家,係近年比較窩心嘅港產片。」她更希望陳小娟憑《淪落人》勇奪新晉導演獎。

阿談希望陳小娟憑《淪落人》勇奪新晉導演獎。(梁碧玲攝)
+1

 

即刻投票,揀選你心水男、女主角,仲有你最撐嘅香港電影,即有機會獲得戲飛。

《香港電影我撐場.民選大獎2019》投票專頁:https://voteforhkmovies.hk01.com/