陳爽照顧子女當運動 希望靚到80歲:未必要用好多錢

撰文:
最後更新日期:

陳爽今天(26日)在中環出席健康產品活動。談到護膚、養顏的心得,阿爽笑言女人會用一生時間來做這件事情:「我都想靚到80歲,我好注重呢方面,譬如飲食清淡咗,做多少少運動,可以幫助到自己,健康係無價,未必要用好多錢。」

作為母親阿爽在照顧小朋友方面也用了不少心力,在照顧小孩同時也要保養自己,阿爽坦言在兩者之間也要找到一個平衡點:「呢樣其實好緊要,我而家開始反省自己,照顧小朋友我都可以當做運動,我每日同佢哋玩都體力消耗,不過都會去做運動,因為會出一身汗好爽,兩種感覺都唔同。」

陳爽今天(26日)出席健康產品活動。(陳順禎攝)

提到早前阿爽自爆差一點做了怪獸家長,她即感概地說:「其實喺香港社會好難唔將自己推到去呢一步,樣樣都想小朋友做好少少,不過到咗一個位連家長都辛苦,咁要搵返個平衡,雖然中間好多挑戰,但我都好開心,不過仔仔都好乖,佢辛苦一排,我會畀好處佢,獎勵佢旅行。」

阿爽最近學做瑜珈,仲會學其他運動,因為鍾意刺激運動。(陳順禎攝)

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。