【3日2夜】龔嘉欣泳衣鏡頭點解要消失? 「唔緊要!去我IG睇返」

撰文:
最後更新日期:

近日,龔嘉欣在個人IG上載了二輯性感泳裝照,更瞬間被網民大量轉載,亦有不少傳媒爭相報道。根據嘉欣的hashtag,此輯性感泳衣照來夏威夷,即來自無綫節目《3日2夜》,又叫網友「今晚記得看」!豈料節目播出後,嘉欣的泳裝美態竟然連半秒都沒有,反而出現長達10秒的「何廣沛肌肉特寫」,因此令網友大失所望,嘉欣回覆《香港01》記者時笑言:「唔緊要,去我IG補睇返!」

龔嘉欣之前拍劇集《殺手》而練成「馬甲線」,雖然佢話近排都偷懶返,但都好希望能夠keep返條馬甲線!(Instagram)

嘉欣喺《殺手》嘅造型,同泳裝嘅佢真係超大對比:

+3
+2

泳裝消失有原因!

嘉欣表示,在得知有機會拍攝《3日2夜》時感到非常榮幸,更稱自己專程帶了三套泳衣去拍攝:「其實終於拍到我真係好開心,仲要係同何廣沛呢個組合!其實之前都有機會拍嘅,不過都係去唔成,尤其係上次因為拍《殺手》整親手指去唔到。今次能夠參與其中仲可以以一個愛情故事咁去拍真係好難得!(但你帶咗3套泳衣都無播到喎!唔可惜咩?)唔緊要,去我IG補睇返!不過係有原因嘅,因為當日我哋係拍何廣沛去滑浪,仲要好猛太陽好曬,記得係中午12點嚟,教練話怕我地曬傷,所以都叫我哋著返衫,同埋滑浪最好都係著返啲防水防曬衫。」

嘉欣話喺夏威夷拍嘅時候做得最多嘅就係瞓覺:「搭飛機又瞓,搭車又瞓,我都冇乜理到何廣沛!不過佢真係一個好細心嘅男仔,好照顧人,仲怕我曬會幫我擔遮添!」(Instagram)

以愛情故事包裝

今季《3日2夜》與過往有所不同,因為節目均以「故事模式」去帶出旅遊景點,而今次龔嘉欣與何廣沛的組合則以「愛情故事」為主題呈現,令當地的名勝、熱點,不再單純是「景點」,令觀眾耳目一新,對「主持」的要求亦相應提高。嘉欣透露,何廣沛為了這些「肌肉特寫」亦提早幾個月做準備:「其實佢都慘,我哋去到夏威夷就食漢堡包、食牛扒,佢就要食雞胸、食沙律!不過拍完我哋都有陪佢慶功嘅,去咗飲汽水!」

今次《3日2夜》夏威夷篇,何廣沛嘅「角色」似足嘉欣隻「兵」(請留意對白):

+8
+7
+6

其實嘉欣成日都喺IG甫靚相:

+7
+6
+5

新劇《大醬園》入面,嘉欣會倒返轉轉頭暗戀何廣沛!(Instagram)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。