吳業坤飛甩偽毒 新戲演車房仔霸氣拋棄女友
撰文：陳浩賢
出版：更新：
吳業坤的「偽毒」形象及音樂才華同樣深入民心，但其實他演戲一樣出色，除了在8月10日的紅館演唱會外，還在新片《幸運是我》擔正演出，跟演腦退化症患者的惠英紅及他戲中好兄弟陳家樂大鬥演技。
戲中陳家樂表示想到坤哥家中留宿，坤哥馬上答應，更說要飛起同居女友。（《幸運是我》劇照）
坤哥為好友家樂跟女友吵架，充滿大男人味道。
今次是坤哥首次擔正演出，已經有頗大突破，為藝術犧牲的他，在戲中飾演一名車房仔「發仔」，而且脾氣暴躁，動不動就鬧爆女朋友，將瀏海全向後梳並帶上頭箍，招牌的黑框眼鏡換上透明膠框，再加上一手執士巴拿，一手執啤酒樽，跟他一直以來斯文的鄰家男孩形象完全相反。
坤哥將過往的溜海梳起，再換上白色膠框眼鏡，跟以往判若兩人。
坤哥在新戲中飾演一個甚有義氣的車房仔，幫助朋友義不容辭。
坤哥表示：「我睇完電影《丹麥女孩》之後，覺得作為一個演員，為電影應該可以做任可嘢，我呢啲轉換形象算小意思。有場戲仲會講我教唆陳家樂賣甩芬姨（惠英紅飾），任由呢個老人家自生自滅，不過家樂最後都冇聽我老點。」
除此之外，坤哥在戲中跟好友陳家樂老友鬼鬼，每當朋友遇上困難，總是義不容辭幫忙。有一場戲講述陳家樂被父親拋棄，居無定所，想借坤哥屋企留宿幾日，知道坤哥跟女朋友住在一起後，陳家樂覺得不好意思於是打退堂鼓，坤哥竟霸氣地回覆：「頂，我一陣返去飛咗佢，一了百了。」坤哥飛甩「偽毒」，接受新嘗試，讓粉絲萬分期待，電影將於9月8日上映。