昨日播出的《愛‧回家之開心速遞》出現驚人情節，由熊樹根（劉丹 飾）、龍敢威（羅樂林 飾）、譚道德（陳榮峻 飾）以及豹叔（黎彼得 飾）這四名耆英組成的Hip Hop組合「大四喜」參加電視台的Rap比賽。這一集播出街後，網民立即出現轟天反應，Facebook被瘋狂洗版，TVB又成功製造話題。圖片來源：影片截圖
其實TVB在節目中加插rap的情節時常出現，無論是真正找rapper來rap，又或者叫藝人rap幾句，甚至在電視劇中安排rap的情節製造效果，雖然會被人說是數白欖，不過依然繼續做，因為實在容易帶起氣氛。 以下我們回顧一下，TVB在哪些節目用上rap的情節，的確有成功帶起氣氛的例子，但也有令人尷尬的時刻。 講Rap，農夫可說是香港的代表，在2017年《TVB馬來西亞星光薈萃頒獎典禮》中，一part rap救起整個節目，而且順暢得來仲要相當搞笑，又再擺do姐上枱。 「學是學非可以做極都做唔完，因為佢有我最愛嘅劉穎鏇。」 「靚湯又靚，張寶兒又正，原本佢哋係有得贏，但係可惜，可惜佢有mayan。」 「6號，咪以為有功勞，食平DDDD主持搵邊個做都一定做得好。」 「有肥媽教路原本好大勝數，可惜，可惜今次要打大佬。」 「鄭裕玲，鄭裕玲，金牌司儀shopping巨星。」 「鄭裕玲，鄭裕玲，影后視后實至名歸，出年攞埋視帝。」 香港Rap界當然仲有Mc Jin，他在TVB的綜藝節目基本上一上台就要rap，所以例子實在太多了。 Rap當然多數出現在音樂節目，在《2018年度勁歌金曲頒獎典禮》中，家燕姐薛家燕現身rap了一分鐘，當然一定只是搞笑，不過有網民就說聽到好尷尬，寧願家燕姐唱《Captain Nancy》。 講起尷尬，一定要數《2017勁歌金曲頒獎典禮》裡面，三位主持人陸浩明、麥明詩和馮盈盈一路跳抖肩舞一路Rap，當然他們是想搞氣氛，不過身旁的歌手似乎不太熱烈，貌似敷衍了事。 「第一位盈盈，佢把口唔生性，唱歌跳舞唔係好醒，剩係識1同0。」 「第二位主持麥明詩，佢咩都識啲啲，平時份人懶正經，但成日去開P。」 「第三位叫陸浩明，佢𥄫女就眼定定，成日覺得自己好型，剩係同肥媽調情。」 不過講到最好笑，一定要數《棟篤神探》裡面魏駿傑（飾演羅密歐）帶頭的保險team「阿波羅組」的rap歌，到現在都十分深刻。 「你驚退休，你驚炒魷，你驚生咗cancer唔死一世憂。哈哈哈唏，哈哈哈唏。」 「唔駛搲頭，唔駛再愁，Apollo保你就算退休炒魷生埋cancer都唔駛憂，哈哈哈唏...Apollo...」由於所有片段版權都歸TVB所有，想重溫就要自己搵辦法喇！