JW自爆在英國讀書時是「酒鬼」:覺得自己好似放監咁!

撰文:
最後更新日期:

JW(王灝兒)昨晚(27日)出席香檳派對並擔任歌唱表演嘉賓,派對上亦請了韓國男歌手Gary做派對DJ。JW笑稱其實自己都有學過打碟:「我幾年前學過,因為有個朋友做DJ,我又貪得意想學下,但係絕對唔可以話叻,哈哈!」

JW(王灝兒)昨晚(27日)出席香檳派對擔任表演嘉賓。(梁碧玲攝)

JW自爆以前在外國讀書時經常出去劈酒,亦試過飲到爛醉:「啱啱讀大學嘅時候好開心,因為覺得自己好似放監咁,自己一個人去英國讀書吖嘛,所以我哋成班朋友啱啱一開頭嘅時候一個禮拜可能出去2、3次,不過之後就已經無喇,大家都攰啦飲完酒下一日又要返學,然後飲多咗嘔完又辛苦!」她笑言自己酒量OK,不過相較起前幾年,現時開始較少飲酒,只得慶功或慶祝生日時才會飲酒。

JW笑言剛剛到外國讀書就像放監一樣,周不時和朋友出去飲酒。(梁碧玲攝)

日前為好友許廷鏗擔任紅館演唱會嘉賓,JW坦言很希望能再次踏足紅館開演唱會,不過現在還不是時候:「首先要儲返多啲歌先啦,因為我自己本身今年希望1、2月尾可以出到歌,但好多因素到而家都未有。我希望每一年都可以繼續有新歌,唔想停咗喺度。」

JW笑言剛剛到外國讀書就像放監一樣,周不時和朋友出去飲酒。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。