【鐵探】收視如突破33點 惠英紅快人快語:扮避孕袋玩快閃

撰文:
最後更新日期:

無綫重頭劇《鐵探》昨日(29/3)在將軍澳舉「最強對決 正面交鋒」記者會,宣佈下星期一隆重首播。劇集講述重案姐督察尚垶(袁偉豪飾)頭部中槍,一粒子彈揭開警隊權力鬥爭序幕,爭權角力陸續上演。今次由監製蘇萬聰以嶄新電影拍攝手法拍攝劇集,全用實景拍攝,場面震撼,不少得最據張力感動人心故事情節。惠英紅表示:「由我第一次接觸幕後同監製佢哋,佢哋嘅概念都係以電影拍攝手法去製作,所以呢次真係一個突破,咁所以出嚟每一集,觀眾都可以好似獨立電影咁去睇。」

惠英紅相隔十年後,再次重返Tvb拍劇,感觸良多。(葉志明攝)

早前紅姐奪女配角獎承諾派福利,事後找數大騷性感比堅尼照,今次《鐵探》高收視紅姐又會唔會再派福利呢?紅姐笑言:「我比堅尼上次已經出動咗啦,咁我可以露啲咩呢,咁不如密實佢啦,我以前睇過一套戲幾好笑嘅扮避孕袋,將對女人絲襪笠住自己,我就諗不如玩呢樣嘢,再加埋玩快閃,同佢哋咁講,佢哋又語幾好,其實我想要求成個《鐵探》嘅演員一齊做,要佢哋每人係唔同地方做完,拍片擺上自己網,慶祝高收視,仲要同一日做,我諗會好震撼㗎。」

惠英紅大讚製作團隊製作認真,每事力求完美。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。