【P風暴】林峯首次大螢幕飾演反派 多年抑壓終釋放:真係爽﹗

撰文:賴家杰
出版:更新:

電影《P風暴》3月31日舉行首映禮,戲中主要演員林峯和周秀娜也有出席支持,二人拍攝《P風暴》時也出現不少驚險場面,林峯說到不多不少總會有,但最希望大家來戲中的監獄參觀一下:「戲裡面搭嗰個監獄景真係太真實,我哋搭咗好多場景,尤其古仔個part,真係有懲教人員過嚟畀意見,因為細節上大家都唔知,規矩就係規矩,所以好多觀眾唔知,但好內部嘅嘢,譬如幾時熄燈同食飯,今次大家會知。」

阿峯指今次很多打鬥場面也要親力親為。(葉兆康攝)

林峯和鄭嘉穎也透露戲中二人會有一場對打戲,但中間就是夾著周秀娜,嘉穎笑言娜姐在中間「阻手阻腳」,在訪問時候娜姐形容自己是「三文治」:「我哋拍嗰個空間好細,所以拍攝有難度,同埋阿峯捉我時候要捉頸,咁佢都好好,扮捉得我好用力,隻手係咁震,呢啲係拍攝難度。」

娜姐羨慕阿峯能演反派角色,希望自己將來亦有機會挑戰反派。(葉兆康攝)

這次是在電影中首當壞人,林峯更是大佬級人馬,理應是可以輕輕鬆鬆叫手下做事,但他想錯了:「本來我諗住係富二代,唔想我點打,叫班細去做,點知角色好衝動,不過好開心,不過第一次電影演反派真係爽,將十幾年嘅抑壓釋放岀嚟。」