【極度怪咖】湯怡被吊於28層天台 大呼導演是騙子：畀人呃咗﹗
撰文：賴家杰
出版：更新：
湯怡今天（1日）為劇集《極度怪咖》拍攝一場驚險場面，講述劇中徐榮綁架湯怡再將她吊在20多層高的大廈天台，阿怡其實拍攝這場戲時沒想到會那麼高：「我覺得自己畀人呃咗，因為導演問我畏唔畏高，我都答Ok嘅，之前都拍過畀人吊係唐樓6，7樓高，跟住佢問我10幾樓得唔得，我答Ok嘅，但今日嚟到呢到首先上咗25樓再行上天台，大概28樓左右，所以我覺得自己畀人呃咗。」
今天（1日）湯怡為劇集《極度怪咖》拍攝一場驚險場面，她直言是演藝生涯最危險的一之。（梁碧玲攝）
其實阿怡被導演騙的不只一件事，她透露拍攝要面向的方向也被騙了：「原本同我講拍嘅方向係望天，無乜嘢呀，但嚟到之後同我講望地下，我即刻腳軟，我上到嚟望咗個地下克服高度先，因為一陣要凌空，但我行到埋去腳軟，而我眼淚都出緊，好緊張好緊張，心跳得好快，到依家都驚，不過頂硬上。」
阿怡在被吊在高空時候是想著家人，因為她笑言腦子是在想東想西。（梁碧玲攝）
阿怡雖然口裡說害怕，但到拍攝時候也很專業，絲毫也影響不到她的發揮，阿怡笑言這些經驗能為自己鋪路演武打女星：「其實克服到好開心，因為我朝著打女方向，因為好多場面都需要吊威也。」