菊梓喬努力調理身體預告開個唱 「安排3個Trainer訓練我」

撰文:吳子生
出版:更新:

菊梓喬(Hana)今日(2/4)出席在尖沙咀舉行的著名護膚品牌發佈會。Hana表示早兩年試過荷爾蒙失調,導致臉上皮膚嚴重爆瘡:「諗返去𠴱陣時心情非常擔心,我會擔心到喊,又要成日上鏡,個人會變得好冇自信,希望可以好好咁處理一下作息時間,再要喺飲食同心情上調節一下。」

 

郭藹明及菊梓喬今日出席著名護膚品牌發佈會。(梁碧玲攝)

Hana早前表示最大心願是開個人音樂會,但《星夢》遲遲未表態原來有因,因為Hana個人體質比較瘦弱,公司有見及此,想她好好強化身體機能,足夠應付音樂會。Hana表示:「機會真係留畀有準備嘅人,咁所以等我準備好之後,再問問公司我有冇機會呢,咁所以以前係食嘢行先,宜家第一個首選係做運動,宜家都安排咗三個Trainer訓練,同時佢哋監察住我,希望用行動證明,畀公司睇到我份成果同決心,我係得嘅!」

菊梓喬透露經常夜訓,引致皮膚變差,所以要經常保濕敷面膜。(梁碧玲攝)
+8