吳卓羲誓與林峯拗手瓜爭獎? 自爆再戰樂壇唱《別怪她》下集

撰文:
最後更新日期:

TVB力捧旗下演員踩過界獻唱劇集歌曲,並唔係近兩年嘅事,最為人熟悉嘅當然首推當年勇奪亞太區最受歡迎男歌手,更唱到上紅館嘅林峯。最近佢回巢TVB拍攝《使徒行者3》,劇集歌曲交到佢手都係理所當然嘅事,網友仲笑言年尾樂壇頒獎禮應該又係林峯嘅天下。同林峯份屬好友嘅吳卓羲(Ron)忽然宣佈回歸樂壇,仲話諗住推出經典神曲《別怪她》下集,有意力爭獎項咁話﹗

吳卓羲2號晚出席慈善晚宴時,忽然自爆今年將會再戰樂壇出EP﹗(視覺中國)

+7
+6
+5

Ron喺2號晚出席慈善晚宴,打頭陣獻唱2005年經典金曲《別怪他》,仲由負責作曲嘅鄧智偉伴奏。接受訪問時Ron表示考慮製作《別怪他》15週年續集,仲揚言今年諗住再出起碼有四至五首歌嘅EP﹗

其實Ron一直無放棄過唱歌,喺內地出席活動時經常都大開金口。(微博圖片)

其實Ron自05年起,單係劇集主題曲都有21首,《別怪她》正正係電視劇《酒店風雲》片尾曲。仲有《巾幗梟雄》嘅《紅蝴蝶》「世間什麼愛叫純潔」、《點解阿SIR係阿SIR》嘅《春風化雨》,近期就有孖住黃宗澤合唱《飛虎之潛行極戰》片尾曲《雖然》。Dancer 出身嘅Ron當年喺首張EP都有隻快歌《愛馬仕小姐》,雖然傳頌度無澤囝隻《Hey Boy》咁高,但唔知今年隻碟Ron會唔會再接再勵又唱又跳呢?

大家可能唔記得,Ron都有上過紅館舞台又唱又跳,不過係做好兄弟林峯演唱會嘉賓。(視覺中國)

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。